Soera Moze III Faza 12

Oroisa ba zadono ba soemange fangehao chõra.

1 Ba hoemede Jehowa chõ Moze, imane: 2Hede ba Ndraono Gizeraëli, w̃aʼõ chõra: Na moʼono ndra alawe, ono matoea, ba fitoe bongi waʼara raʼiõ ia, faʼara waʼaraʼiõnia na afõchõ daloenia, raʼiõ ia. 3Ba na aefa zi fitoe bongi, ba niboto nono. (Moz. I. 17, 10). 4Ba 33 bongi dania ia ba ndro wangehao andrõ chõnia; lõ tola ibabaja hadia ia niʼamoniʼõ, ba lõ tola mõi ia ba niʼamoniʼõ, irege no ahõwõ mbongi wangehaonia andrõ. 5Ba na ono alawe nononia, ba doea migoe waʼara raʼiõ ia, si mane na afõchõ daloenia, ba 66 wongi ia ba ndro wangehao andrõ chõnia. 6Ba na no ahõwõ mbongi wangehao andrõ chõnia — he ba nono matoea, ba he ba nono alawe — ba iʼohe chõ gere ba mbawandroehõ nose wamaʼeleʼõ nono mbiribiri si dõfi faʼeboea, soemange nitoenoe, ba ono marafadi, ba ma foené, soemange fameta horõ. 7Ba ere zameʼe chõ Jehowa, ifaigi chõnia wameta sala, ba nihaogõ zoei ia ba wendro daloe andrõ. Daʼõ nihonogõi ba zadono andrõ, he ba nono matoea, ba he ba nono alawe. 8Ba na abõlõ noemana ia, ba wamaigi biribiri, ba jamoehalõ zi domboea foene, ba ma domboea nono marafadi; si samboea, ba soemange nitoenoe, ba si samboea, ba soemange fameta horõ, ba jamoefaigi chõnia wameta sala ere, ba nihaogõ ia. (F. 5, 7. Loek. 2, 24).