Soera Moze IV Faza 25

I. Lahorõni nono alawe Ndraono Midiano Iraono Gizeraëli. Fotoe horõ andrõ. II. Fõnoe Wineha andrõ, me no lasawõ goroisa Lowalangi, ba teʼaroʼõ ia ere, amaedola loeonia. Lasoewõ Ndraono Midiano.

1I. Ba me sosó ba Zitimi Ndraono Gizeraëli, ba ibõrõtaigõ lahorõhorõni nono alawe Ndraono Moabi. 2Lakaoni ira ba wemanga ba wameʼe adoe chõra Iraono Moabi; ba manga ira ba mangaloeloe ba nadoe chõra. 3Ba molemba ba Mbaʼali-Weoro Ndraono Gizeraëli; ba mofõnoe Jehowa ba Ndraono Gizeraëli: (Moz. V. 4, 3. Jos. 22, 17. Sin. 106, 28. Hos. 9, 10). 4Ba imane Jehowa chõ Moze: Owoeloi zatoea mbanoea fefoe, ba taw̃i ira ba zino, chõ Jehowa, enaʼõ dõhõ wõnoe Jehowa andrõ ba Ndraono Gizeraëli, si no abõlõbõlõ. 5Ba imane Moze ba zangoehoekoe ba Ndraono Gizeraëli. Iboenoe mbanoeania zamõsana, jaʼami, banoeania si no molemba ba Mbaʼali-Weoro andrõ! (Moz. II. 32, 27). 6Ba so zamõsa, Iraono Gizeraëli, solohe ba chõra ono alawe Ndraono Midiano, ba zanehe Moze ba Iraono Gizeraëli sato, fefoe, me mangarõngarõ ira ba golajama nose wamaʼeleʼõ. 7Ba me iʼila daʼõ Fineha, ono Geleazari, maʼoewoe Gaʼaroni ere, ba maoso ia ba hoenõ zato, itoejoe doho, 8ba iʼoʼõ mbanoeara andrõ misi bacha, ba faoma itaroeʼõ ba daloe doho, daroea ira iwara andrõ alawe andrõ; ba dõhõ wamakao andrõ, ba Ndraono Gizeraëli. 9Ba faʼato zi no tekiko ba wamakao andrõ, ba no 24,000. (Kor. I. 10, 8).

10II. Ba hoemede Jehowa chõ Moze, imane: 11Fineha andrõ, ono Geleazari, maʼoewoe Gaʼaroni ere, ba no ibeʼe alõ wõnoegoe ba Ndraono Gizeraëli, me no mofõnoe ia chõra, si mane na mofõnoefõnoe ndraʼo chõra, si mane na mofõnoefõnoe ndraʼo chõra, ba tobali lõ oehori Ndraono Gizeraëli, ba wõnoegoe andrõ. 12Andrõ õw̃aʼõ chõnia: Hiza, oefaboeʼoe chõnia wangorifi chõgoe. 13Nitehe ere ia, awõ ngaʼõtõnia dania, gõtõgõtõ waʼara; bõli gõlõnia, me no mofõnoe ia ba zõfõnoe Lowalanginia, ba me no ifaigi wameta sala ba Ndraono Gizeraëli. 14Ba tõi mbanoeara andrõ niboenoe, awõ ndra alawe Iraono Midiano andrõ, ba Simeri, ono Záloe, satoea mbanoea ba mado Zimeoni. 15Ba ira alawe Iraono Midiano niboenoe andrõ, ba Kosibi dõi, ono Zoeri, satoea mbanoea, satoea zi sawōē ba Ndraono Midiano. 16Ba hoemede Jehowa chõ Moze, imane: 17Misoewõ Ndraono Midiano, miʼalani ira. 18Noa sa lasoewõ ami falimosara andrõ, nilaoera chõmi, ba Weoro andrõ ba ba mbanoeara andrõ, Kosibi, ono zalaw̃a Ndraono Midiano niboenoe me loeo tefatõrõ chõmi wamakao andrõ, ba Weoro andrõ. (F. 31, 2).