Soera Moze II Faza 29

I. Amachoita ba weʼamoniʼõ ere andrõ. II. Oeracha gere ba zoemange andrõ. III. Amachoita ba zoemange sero maʼṍchõ. IV. Amaboeʼoela li Lowalangi.

(A. 1—35: Moz. III. 8, 1—32.)

1I. Ba õmane chõra weʼamoniʼõ jaʼira, enaʼõ ere ira chõgoe: Halõ zi matoea nono zaw̃i ba doea geoe zi matoea mbiribiri, si lõ sinegoe, (Moz. III. 8, 2), 2ba roti si lõ moeʼaisõni, nifaroeka fanicha ba koee bõʼõ si lõ moeʼaisõni, nigoeleʼõ fanicha; hamo gandroe wamazõchi jaʼia fefoe. 3Ba õbeʼe ba gamboekamboe, ba ohe, fabaja kamboekamboe, awõ zaw̃i andrõ ba awõ mbiribiri andrõ, si doea geoe. 4Ba Aʼaroni ba iraononia, ba ohe ba mbawandroehõ nose ba femondri ira. 5Ba halõ noecha andrõ ba fonoecha Gaʼaroni kameza ba baroe seboea, dajadaja nono mbaroe andrõ, ba ono mbaroe ba doto ba bola andrõ, ba õbõbõ chõnia mbõbõ nono mbaroe andrõ. 6Bala hõgõ andrõ beʼe ba hõgõnia ba õfabõbõ ba mbala hõgõ detenia andrõ niʼamoniʼõ. 7Ba õhalõ wanicha famajoini andrõ, õlaoe ba hõgõnia, õbajoini ia. 8Ba õʼohe ba daʼõ gõi ndraononia ba õfonoecha ira kameza. 9Fobõbõ taloe ira, he Aʼaroni ba he iraononia ba fokofia, enaʼõ tetehe chõra waʼaʼere, gotõgõtõ waʼara, hoekoe si lõ teboelõ. Ba õfoʼõsi danga ndra Aʼaroni iraononia. 10Ba õʼohe fõna nose wamaʼeleʼõ zaw̃i andrõ, enaʼõ latoefa hõgõnia Aʼaroni ba ira ononia tangara. (Moz. III. 1, 4). 11Awena dania õtaba zaw̃i fõna Jehowa, ba zinga mbawandroehõ nose wamaʼeleʼõ, 12ba halõ õsa ndro zaw̃i andrõ, ba goeleʼõ ba dandroe naha wameʼe soemange toeroemõ; ba do soja, ba doewagõ ba danõ, ba gahe nahe wameʼe soemange. 13Ba halõ dawõ fefoe, baloebaloe galachaõ ba si falemba ga gate, ba boea, si domboea, awõ dawõnia, ba toenoe ba dete naha wameʼe soemange. 14Ba õsi zaw̃i andrõ ba oelinia ba tainia, ba baero golombasew̃a õtoenoe — soemange fameta horõ ia. (Moz. III. 4, 12. Heb. 13, 11). 15Ba sageoe õhalõ biribiri andrõ, enaʼõ latoefa hõgõnia Aʼaroni ba iraononia, tangara. (Moz. III. 8, 18). 16Awena dania õtaba mbiribiri andrõ ba õhalõ ndro ba õbeʼe fanefe naha wameʼe soemange, fasoei. 17Ba biribiri andrõ, ba õtatawi, sasai mbetoeʼania ba ahenia, ba oroedoegõ ba nõsinia bõʼõ ba ba hõgõnia. 18Ba toenoe mbiribiri andrõ maʼasageoe ba dete naha wameʼe soemange — soemange nitoenoe ia, soemange Jehowa, samohoea, soemange ba galitõ, nibeʼe chõ Jehowa. 19Ba õhalõ mbiribiri si sageoe, enaʼõ latoefa hõgõnia Aʼaroni ba iraononia, tangara; 20ba taba mbiribiri andrõ ba halõ õsa ndronia ba goeleʼõ ba mbõrõ dalinga Gaʼaroni, ba gambõlõ, ba ba mbõrõ dalinga ndraononia ba gambõlõ ba ba doetoeroera seboea ba dangara kambõlõ ba ba doetoeroe kahe seboea ba gambõlõra, ba do soja, ba beʼe fanefe naha wameʼe soemange, fasoei. 21Ba õhalõ ndro andrõ maʼifoe, ba naha wameʼe soemange, awõ wanicha famajoini andrõ, maʼifoe, ba õtefe Gaʼaroni ba noechania, ba iraononia ba noechara, enaʼõ niʼamoniʼõ ia, awõ noechania, ba he iraononia, awõ noechara. (F. 28, 41). 22Ba halõ dawõ mbiribiri andrõ ba iʼonia sotawõ andrõ, fabaja tawõ baloebaloe galachaõ, ba si falemba ba gate ba boea, si domboea, awõ dawõnia ba faha ba gambõlõ — biribiri famataro ia —, (Moz. III. 7, 3), 23ba samboea roti ba sagõrõ koee nifaroeka fanicha ba sagõrõ koee bõʼõ ba gamboekamboe andrõ, nibeʼe si lõ moeʼaisõni andrõ, si so fõna Jehowa. 24Ba õbeʼe ba danga Gaʼaroni ba ba danga ndraononia daʼõ fefoe, ba õhahae nihahae chõ Jehowa. 25Ba õfoeli õhalõ ba dangara ba õtoenoe ba dete naha wameʼe soemange, awõ zoemange nitoenoe andrõ, samohoea chõ Jehowa: soemange ba galitõ ia, nibeʼe chõ Jehowa. 26Ba õhalõ nosoe mbiribiri famataro Gaʼaroni andrõ ba õhahae nihahae chõ Jehowa, ba oerachaoe dania ia. 27Ba niʼamoniʼõ õw̃aʼõ nosoe andrõ, nihahae, ba faha andrõ fegero, nihalõ mege fegero, faha mbiribiri famataro Gaʼaroni ba iraononia.

28II. Oeracha ndra Aʼaroni iraononia daʼõ, nifachoi ba Ndraono Gizeraëli, si lõ mamalõmalõ; soemange nihalõ fegero ia, ba soemange nihalõ fegero labeʼe ia Iraono Gizeraëli, fõfõ zoemange fangorifi andrõ chõra, soemange nihalõ fegero chõra, nibeʼe chõ Jehowa (Moz. III. 7, 34. Moz. IV. 18, 11). 29Ba noecha niʼamoniʼõ andrõ chõ Gaʼaroni, ba mõi ba nononia na foeri enaʼõ laʼonoecha na tebajoini ira ba na tefoʼõsi dangara. 30Fitoe ngaloeo waʼara iʼonoecha ononia andrõ si tobali ere fangalinia, si mõimõi ba nose wamaʼeleʼõ andrõ, ba wangai halõw̃õ andrõ ba niʼamoniʼõ. 31Ba biribiri famataro andrõ, ba õhalõ, ba ba naha niʼamoniʼõ õrino nõsinia. 32Ba Aʼaroni ba iraononia zi manga nõsi mbiribiri andrõ, awõ roti andrõ, ba gamboekamboe, ba zinga mbawandroehõ nose wamaʼeleʼõ laʼā. (Moz. III. 8, 31; 24, 9). 33Fameta horõ andrõ, me lafoʼõsi dangara, me laʼamoniʼõ ira, daʼõ laʼā; lõ tõla iʼā niha bõʼõ, me no niʼamoniʼõ. 34Ba na so zi tosai, irege mahemoloe mbanoea, õsi mbiribiri famataro andrõ, ba ma roti andrõ, ba õtoenoe zi tosai andrõ: lõ tola laʼā niha, me no niʼamoniʼõ. 35Si manõ wolaoemõ chõ Gaʼaroni ba ba ndraononia, õʼoʼõ sibai niw̃aʼõgoe chõoe: fitoe bongi waʼara õfoʼõsi dangara.

36III. Ba õʼerogõ maʼṍchõ wangasogõ si matoea nono zaw̃i, soemange fameta horõ, ba wangefaʼõ horõ andrõ, ba õheta zala ba naha wameʼe soemange, na õlaoe wangefa horõ andrõ ba chõnia, ba õbajoini ia, ba weʼamoniʼõ jaʼia. 37Fitoe bongi waʼara õlaoe wangefa horõ andrõ ba naha wameʼe soemange, ba weʼamoniʼõ jaʼia; ba tobali niʼamoniʼõ sibai naha wameʼe soemange andrõ, ba dozi sombambaja naha wameʼe soemange andrõ, ba no niʼamoniʼõ gõi. (Mat. 23, 19).

(A. 38—42: Moz. IV. 28, 2—8.)

38Ba daʼõ nibeʼeoe ba naha wameʼe soemange: Ero maʼṍchõ ba doea rozi nono mbiribiri, si dõfi faʼeboea; si lõ mamalõmalõ daʼõ. (Moz. IV. 28, 3). 39Ono mbiribiri si sara, ba na mahemoloe mbanoea õbeʼe, ba si sara, ba na tánõ owī. 40Ba samba hinaoja hamo safoesi, nifaroeka fanicha mboea zai nitoetoe, samba kata; ba soemange nibadoe, samba kata agoe, nifao ba nono mbiribiri si sara. 41Ba ono mbiribiri si sara, ba tánõ owī õbeʼe — ba ba zoemange niʼā ba ba zoemange nibadoe, ba si mane na mahemoloe mbanoea õlaoe, samohoea omasiõ, õ nifatõrõ ba galitõ, nibeʼe chõ Jehowa, 42soemange nitoenoe chõmi, si lõ mamalõmalõ, gõtõgõtõ waʼara, ba zinga mbawandroehõ nose wamaʼeleʼõ, fõna Jehowa, ba niʼoromaʼõgoe jaʼo chõoe dania ba zi fahoehoeodo chõoe. (Moz. III. 1, 1. Moz. IV. 12, 5).

43IV. Ba ba daʼõ oeʼoromaʼõ ndraʼodo ba Ndraono Gizeraëli, ba niʼamoniʼõ dania ia, ba lachõmigoe andrõ. 44Ba oeʼamoniʼõ nose wamaʼeleʼõ andrõ, awõ naha wameʼe soemange; ba Aʼaroni gõi ba iraononia, ba oeʼamoniʼõ, enaʼõ ere ira chõgoe. 45Ba oeʼiagõ ba hoenõ Ndraono Gizeraëli, ba Lowalangira ndraʼodo; (F. 25, 8. Moz. III. 26, 12. Kor. II. 6, 16. Fam. 21, 3); 46ba jaʼaboto ba dõdõra, wa no jaʼodo, Jehowa, Lowalangira, si no mangeheta jaʼira ba danõ Miseraji, ba wangiagõ chõra — jaʼodo andre, Jehowa, Lowalangira.