Soera Moze III Faza 7

I. Tohoetohoe gamachoita ba zoemange ogaoeta. II. Soemange fangandrõ saoha gõlõ ba soemanga fanoeno ba soemange amaboeʼoela li. III. Fanenaw̃a femanga daw̃o ba do. IV. Oeracha gere ba zoemange andrõ.

1I. Ba daʼõ gamachoita ba zoemange ogaoeta andrõ; niʼamoniʼõ sibai ia. 2Ba nitataba soemange nitoenoe andrõ, ba daʼõ gõi lataba zoemange ogaoeta, ba donia, ba fanefe naha wameʼe soemange, fasoei. 3Ba tawõnia fefoe, ba nibeʼe soemange: iʼo sotawõ andrõ ba tawõ waliʼa ba boea si domboea, 4fabaja tawõnia ba ba rami lafojo ba si fabõbõ ba gate; ba mboea iʼetoeʼõ. 5Ba itoenoe ere ba naha wameʼe soemange soemange nibeʼe chõ Jehowa, nifatõrõ ba galitõ; soemange ogaoeta ia. 6Dozi motõi matoea ba gere zi manga jaʼia; ba naha niʼamoniʼõ teʼā; niʼamoniʼõ sibai ia. 7Si mane ba zoemange fameta horõ, si manõ gõi ba zoemange ogaoeta, fagõlõgõlõ: chõ gere andrõ, sameʼe jaʼia, fameta horõ ia. 8Ba chõ gere andrõ, sameʼe soemange nitoenoe andrõ, niʼohe niha, goeli zoemange nitoenoe andrõ, nibeʼenia. 9Si manõ gõi zoemange niʼā andrõ, nibogõ bawoe, fefoe, ba he nirino ba mbowoa, fefoe, ba he nigore ba gali, ba chõ gere, sameʼe jaʼia. 10Ba fefoe zoemange niʼā, he nifaroeka fanicha ba he sotoefo ba ba ndraono Gaʼaroni, faoma chõra.

11II. Ba daʼõ gamachoita ba zoemange fangorifi, nibeʼe chõ Jehowa: 12na so zameʼe jaʼia fangandrõ saoha gõlõ, ba ifoʼawõ zoemange fangandrõ saoha gõlõ andrõ koee nifaroeka fanicha, si lõ moeʼaisõni ba koee sanifi, si lõ moeʼaisõni nigoeleʼõ fanicha, ba hamo si sõchi, si no moefaroeka — koee nilaoe fanicha ba wamazõchi —. 13Ba koee roti si lõ moeʼaisõni ifao ba zoemange andrõ chõnia, lõ lai zoemange oerifõ, nibeʼenia soemange fanoeno, fangandrõ saoha gõlõ. 14Ba sagõsagõrõ koee zambalõ soemange ibeʼe amaedola zoemange fegero chõ Jehowa; ba chõ gere andrõ, sanefe do zoemange fangorifi andrõ ia. 15Ba õsi zoemange fangorifi andrõ fangandrõ saoha gõlõ, ba na loeo tebeʼe zoemange andrõ teʼā ia; lõ tola lasaigõ hadia ia irege mahemoloe mbanoea. 16Ba na amaboeʼoela li mbõrõ zoemange andrõ, nibeʼenia, ba ma na saoha gõlõ, ba na loeo daʼõ gõi teʼā, ba si tosai, ba hana na mahemoloe õ laʼā; (F. 19, 6); 17ba hadia zi tosai na õsi zoemange, ba zi doea wongi, ba nitoenoe. 18Ba na teʼā na ba zi doea wongi nõsi zoemange fangorifi andrõ, ba lõ ibeʼe niʼomasiʼõ zameʼe jaʼia andrõ; lõʼõ sa tebeʼe hare, tobali sa amaedola no iʼā zobooe, ba si manga jaʼia, ba ifaloeʼigõ chõnia horõ. 19Ba he nagole si no fabaja ba zalacha, hadia ia, ba lõ tola teʼā, nitoenoe ia. Ba ba nagole [bõʼõ], ba dozi si lõ hadia ia salacha, ba tola laʼā nagole. 20Ba si manga nõsi zoemange fangorifi andrõ nibeʼe chõ Jehowa, fatoea so chõnia zalacha, ba nihori daʼõ ba niwara andrõ. 21Ba na so zi fabaja ba zalacha, hadia ia, he ba zalacha ba niha ba he ba zalacha oerifõ ba he ba zogoro ita, hadia ia, si taʼoenõ, ba na iʼā [zoei] nõsi zoemange fangorifi andrõ, nibeʼe chõ Jehowa, ba nihori daʼõ ba niwara andrõ.

22III. Ba hoemede Jehowa chõ Moze, imane: 23Hede ba Ndraono Gizeraëli, ba w̃aʼõ chõra: Lõ tola miʼā hadia ia dawõ zaw̃i ba tawõ mbiribiri ba tawõ nambi. 24Tawõ goerifõ si mate ba he nisasawi, ba hana na laʼogoenaʼõ ba ngawalõ hadia ia, ba lõ tola miʼā. 25Dozi sa si manga dawõ goerifõ andrõ, nibeʼe soemange Jehowa, nifatõrõ ba galitõ, ba nihori daʼõ — si manga jaʼia — ba niwara andrõ. 26Ba lõʼõ gõi tola miʼā ndro, ba nahiami fefoe, he do wofo, ba he do zi õfa ahe. (Moz. I. 9, 14). 27Dozi si manga ndro, ba nihori ba niwara.

28IV. Ba hoemede Jehowa chõ Moze, imane: 29Hede ba Ndraono Gizeraëli ba w̃aʼõ chõra: Sameʼe chõ Jehowa soemange fangorifi, ba ibeʼe chõ Jehowa ndroehoendrohoe, ba zoemange fangorifi andrõ, õmõnia chõnia. 30Jaʼia zolohe ngawoea andrõ, tána chõ Jehowa, soemange nifatõrõ ba galitõ: tawõ ba osoe jamoeʼohe; osoe andrõ, enaʼõ lahahae, nihahae fõna Jehowa. (Moz. II. 29, 24). 31Ba tawõ, ba itoenoe ere ba naha waʼmeʼe soemange, ba osoe andrõ, ba chõ Gaʼaroni ba ba ndraononia. 32Ba faha kambõlõ ba zoemange fangorifi andrõ chõmi, ba ba gere gõi mibeʼe, amaedola fegero. (Moz. II. 29, 27). 33Ono Gaʼaroni andrõ, sameʼe do zoemange fangorifi andrõ ba tawõnia, zanema faha kambolõ, tána chõnia. 34Osoe andrõ sa, nihahae andrõ ba faha andrõ nibeʼe fegero, ba zoemange fangorifi andrõ, nibeʼe Ndraono Gizeraëli, ba jaʼo zi ochõgõ, ba oebeʼe chõ Gaʼaroni ere andrõ, ba ba ndraononia, tána chõra, õmõ Ndraono Gizeraëli, si lõ mamalõmalõ. (Moz. IV. 18, 11). 35Daʼõ dána chõ Gaʼaroni ba tána ba ndraononia, ba zoemange Jehowa andrõ, nifatõrõ ba galitõ, na baw̃a nifaʼasonia jaʼira, ba wangai halõw̃õ gere chõ Jehowa, 36nihonogõi Jehowa chõra, me loeo ibajoini ira, ameʼela Ndraono Gizeraëli, tána chõ, õmõra si lõ mamalõmalõ, gõtõgõtõ waʼara. 37Daʼõ gamachoita ba zoemange nitoenoe andrõ ba ba zoemange niʼā ba ba zoemange fameta horõ ba ba zoemange ogaoeta ba ba zoemange famataro ba ba zoemange fangorifi, 38niw̃aʼõ Jehowa chõ Mose ba hili Zinaʼi, me iw̃aʼõ lala ba Ndraono Gizeraëli, ba wameʼe soemange chõ Jehowa, ba danõ si mate Sinaʼi.