Soera Moze IV Faza 21

I. Teʼala Ndrawa Ganaʼana labeʼe. II. Koemõkõkõkõ zoei zato ba teʼotoeʼõ oelõ. Oelõ tõla andrõ. III. Sinoenõ Ndraono Gizeraëli, bõrõ wemõnara andrõ. IV. Teʼala ndra Sihona Ogi labeʼe.

1I. Ba me irongo Dawa Ganaʼana andrõ, razo Garadi, ba danõ tánõ raja, so moroi sa ba Gatari Ndraono Gizeraëli, ba itema fasoewõ chõra ba iraʼoe õsa. (F. 33, 40). 2Ba lafaboeʼoe lira chõ Jehowa Iraono Gizeraëli, lamane: Na õbeʼe ba dangama niha andrõ, ba malachaʼõ mbanoeara. 3Ba iʼoʼõ wangandrõ Ndraono Gizeraëli Jehowa, ibeʼe ba dangara Ndrawa Ganaʼana andrõ; ba lalachaʼõ ira, awõ mbanoeara. Ba tebeʼe tõi mbanoea andrõ Horema.

4II. Ba laheta ira ba hili Hori, latõrõ lala ba nasi zoechoe, ba wamahene tanõ Ndraono Gedomo. Ba ba lala andrõ ba lõ sõchisõchi dõdõ zato. 5Latahigõ Lowalangi ba he Moze, lamane: Hadia, andrõ mihetaga ba danõ Miseraji, enaʼõ tekiko ndraʼaga ba danõ si mate? Lõʼõ sa õma koee ba lõ õma idanõ ba anoezoe dõdõma gõ si lõ sõchi andrõ. 6Ba ifatõrõ chõra goelõ sosõfoe Jehowa, sondrooe niha, tobali ato zi mate Iraono Gizeraëli. (Kor. I. 10, 9). 7Ba mõi ira chõ Moze, lamane: Horõma mege, me matahigõ Jehowa, awõ ndraʼoegõ; angandrõ chõ Jehowa, salahimõ, enaʼõ iheta chõma goelõ andrõ! Ba mangandrõ Moze, salahi zato. 8Ba imane Jehowa chõ Moze: Fazõchi wamaedo goelõ sosõfoe ba toewoe jaw̃a, ba na so nidooe, ba na ifaigi daʼõ, ba aoeri ia. 9Ba ifazõchi goelõ tõla Moze, ba itoewoe jaw̃a; ba na ladooe niha oelõ andrõ ba na ifaigi goelõ tõla andrõ, ba aoeri ia. (Raz. II. 18, 4. Joh. 3, 14).

10III. Ba lafazaw̃a ira Iraono Gizeraëli, mofanõ, ba ba Goboto tebato dania. 11Ba laheta ira ba Goboto ba ba Ije Haʼabari molombase, ba danõ si mate, tánõ ba gatoemboecha loeo, iʼotarai danõ Ndraono Moabi. 12Ba mofanõ ira ba daʼõ, ba molombase ba ndraso Zaredi. 13Ba mofanõ ba daʼõ, ba jefo Garono ba danõ si mate, molombase; Arono soʼoeloe ba danõ Ndraono Gamori. Ola Ndraono Moabi Garono andrõ, tánõ ba Ndraono Gamori. (Sangoehoek. 11, 18). 14Andrõ wa si mané ba zoera wanoewõ Jehowa: ”Wahebi ba Zoefa, awõ ndraso andrõ, Arono andrõ, ba sanõsõ andrõ, 15ba ngai ndraso, iroegi tánõ ba Ari, si faola ba danõ Ndraono Moabi.” 16Ba moroi ba daʼõ lasaw̃a Mbeʼeri; daʼõ goemboe andrõ, niw̃aʼõ Jehowa, me imane chõ Moze; Owoeloi niha sato, enaʼõ oebeʼe gõra idanõ! 17Me loeo daʼõ, ba lamanõ wanoenõ Iraono Gizeraëli: ”Angoemboe, jaʼoegõ oemboe! Miʼanoenõ chõnia! 18Baʼa nicharoe zalaw̃a, nichao zeboea tõi ba zato, nicharoe siʼo zalaw̃a, nicharoe siʼora!” Ba moroi ba danõ si mate andrõ, ba lasaw̃a Matana; ba iʼotarai Matana, 19ba noemalõ ba Nahaliëli, ba moroi ba Nahaliëli, ba lasaw̃a Mbamoti; 20ba iʼotarai Mbamoti ba noemalõ ba zaloʼo andrõ ba danõ Ndraono Moabi, lafaoedoegõ zoezoe hili Wisiga, fetahõ danõ si mate.

21IV. Ba lafatenge zinenge chõ Zihona, razo Ndraono Gamori, Iraono Gizeraëli, lamane chõnia; (Moz. V. 2, 26); 22Damatõrõ danõoe; nowi ba kaboe nagoe, ba lõ mahoendragõ, ba idanõ ba mbaʼa, ba lõ mabadoe; lala seboea matõrõ, irege aefaga ba danõoe. 23Ba lõ itehe ba Ndraono Gizeraëli Sihona latõrõ danõnia, itema iʼowoeloi zabõlõ chõnia, ba ifaondragõ Ndraono Gizeraëli ba danõ si mate, ba me no iroegi Jahasi, ba ilaoe fasoewõ chõra. 24Ba teʼala ia ba mbawa ziʼõli labeʼe Iraono Gizeraëli ba lahalõ chõra danõnia, iʼotarai Garono, noemalõ ba Jaboko, irege nola Ndraono Gamoni; ola Ndraono Gamoni andrõ, ba noa sa moeʼaroʼõ. 25Ba atoeʼa ba mbanoea ba daʼõ fefoe Ndraono Gizeraëli, labaliʼõ banoeara mbanoea Ndraono Gamori fefoe, Hesibona andrõ, fabaja banoea sideʼide, si fabõbõ chõra, fefoe. (Jos. 24, 8. Sin. 136, 19). 26Hesibona andrõ, ba banoea razo Ndraono Gamori, Sihona andrõ; noa sa isoewõ razo Ndraono Moabi fõna daʼo, ba no ihalõ chõnia danõnia fefoe, iroegi ba mbewe Garono. 27Andrõ wa lamane sanoenõ: ”Mitaboe ba Hesibona, nitaroeʼõ ba niʼaroʼõ mbanoea Zihona andrõ! 28Noa sa iʼotarai alitõ Hesibona, holahola galitõ iʼotarai mbanoea Zihona; daʼõ zi manga Ari Moabi, ba õsi mbanoea ba hilihili ba mbewe Garono. (Jer. 48, 45). 29Alai ndraʼo ndraʼoegõ, Moabi! Si tekiko ami, jaʼami, banoea Chamosi andrõ! Tobali soloi nononia matoea, ba niraʼoe Zihona, razo Ndraono Gamori, nononia alawe ibeʼe. (Raz. I. 11, 17). 30No maʼefasi wana chõra, ba si lõ boto saʼae Hesibona, noemalõ ba Dibona; no adoedoe mbanoea mabeʼe, irege Nofa; alitõ malaoe, iroegi Medeba.” 31Ba aro saʼae Ndraono Gizeraëli ba danõ Ndraono Gamori. 32Ba ifatenge zamaoeze Moze ba Jaʼezeri ba atoeʼa ira ba mbanoea, fabaja ba halama soja chõra. Tobali latimba Ndraono Gamori sowanoea ba daʼõ. 33Ba lafoeli ira foeri ba latõrõ lala ba Mbazana. Ba ifaondragõ ira Ogi, razo Mbazana, iʼohe zabõlõ chõnia fefoe, mõi fasoewõ chõra. (Moz. V. 3, 1). 34Ba imane Jehowa chõ Moze: Bõi ataʼoefi ia, oebeʼe sa ba dangaoe ia, fabaja banoeania fefoe, ba tanõnia, ba hana na õlaoe chõnia nilaoemõ chõ Zihona no, ba Hesibona. 35Ba teʼala ia labeʼe, fabaja ononia ba sabõlõ chõnia fefoe, tobali samõsa lõ lasaigõ chõnia, soloi enaʼõ, ba lahalõ chõra danõnia.