Soera Josoea Faza 5

I. Faʼataʼoe Ndrawa Ganaʼana, me so Ndraono Gizeraëli. II. Famoto Iraono Gizeraëli. III. Fasa. Õ ba danõ. IV. Solohe sanoewõ andrõ, chõ Jehowa.

1I. Ba tobali me larongo razo Ndraono Gamori fefoe, jefo Joridanõ, tánõ ba nasi, ba razo Ndrawa Ganaʼana, si hene asi wa no iʼogoʼõisi Jehowa nidanõ Joridano fõna Ndraono Gizeraëli, irege no laʼõtõ, ba atalõ dõdõra ba lõʼõ saʼae faʼabeʼe dõdõ chõra, ba Ndraono Gizeraëli. (Moz. II. 15, 15).

2II. Ba me loeo daʼõ, ba imane Jehowa chõ Josoea: Fazõchi chõoe wõrõgi kara, ba foeli boto Ndraono Gizeraëli, zamoeza tõ. 3Ba ifazõchi chõnia wõrõgi kara Josoea, ba iboto Ndraono Gizeraëli ba gahe hilihili Garolati. 4Ba daʼe mbõrõ, wa iboto ira Josoea: Fefoe niha, saheta mege ba danõ Miseraji, ira matoea, fefoe zabõlõ, ba no mate ba danõ si mate andrõ, ba lala, me laʼotarai danõ Miseraji. 5Noa sa moeboto, ira, dozi ira, saheta andrõ. Ba dozi si toemboe ba danõ si mate, ba lala, me laʼotarai danõ Miseraji, ba lõ moeboto. 6Õfa woeloe fache saʼae mowaõwaõ Ndraono Gizeraëli ba danõ si mate andrõ, irege no ahori fefoe niha sabõlõ, saheta mege ba danõ Miseraji, me lõ lafondrondrongo li Jehowa; daʼõ mbõrõ wa fahõloe chõra Jehowa, lõ tola laʼila danõ andrõ, si mõi ba hõloe Jehowa chõ ndra toeara, ba wameʼe chõda, tanõ si falawoe soesoe ba w̃e w̃ani (Moz. IV. 14, 22). 7Ba onora andrõ, ba iʼeʼeboea, fangalira; daʼõ niboto Josoea, me no si lõ moeboto; lõʼõ sa moeboto ba lala mege. 8Ba me no ahori moeboto ira ba laʼiagõ golombasew̃a, irege dõhõ waʼafõchõ. 9Ba imane Jehowa chõ Josoea: Maʼõchṍ andre no oeheta chõmi waʼaila andrõ, si otarai danõ Miseraji. Ba labeʼe tõi naha andrõ Giligala (famagaõlõ), iroegi maʼõchṍ andre.

10III. Ba molombase Ndraono Gizeraëli ba Giligala ba lalaoe wasa andrõ, ba zi meweleõfa, ba ndraso ba Jericho andrõ. 11Ba laʼā mboea danõ, me sara wongi aefa wasa, roti si lõ moeʼaisõni ba bõra nifakoë, me loeo daʼõ. (Moz. II. 12, 39). 12Ba tebato ”mana” andrõ, me sara wongi aefa daʼõ, me laʼā mboea danõ, ba loʼo saʼae ”mana” Ndraono Gizeraëli, ba laʼā mboea danõ Ganaʼana, ba ndrõfi andrõ.

13IV. Ba me so ba zinga Jericho Josoea, ba ifaõga hõrõnia, ifachõlõ ia, ba hiza niha ba gamaoedoenia, sara wõda, si no idõni, ba dangania. Ba iʼondrasi ia Josoea, imane chõnia: Hadia, awõma ndraʼoegõ, ma awõ nemalima? (Moz. II. 23, 23). 14Ba imane: Tenga, solohe sanoewõ andrõ, chõ Jehowa, ndraʼodo; awena siʼai sodo. Ba ifalõgoe tooe ia Josoea ba danõ mangaloeloe ia chõnia, imane chõnia: Hadia niw̃aʼõ Doea chõ genoninia? 15Ba imane solohe sanoewõ andrõ, chõ Jehowa, chõ Josoea: Heta mbadagaheoe ba gahemõ, me no niʼamoniʼõ naha andrõ, ba zi soʼõ. Ba iʼoʼõ daʼõ Josoea. (Moz. II. 3, 5).