Soera Moze V Faza 3

I. Tohoetohoe hoehoeo Moze. Fanoewõra Ogi andrõ, razo Mbazana. II. Famaosa tanõ daʼõ ba zi domboea mado a matonga andrõ. III. Tebeʼe fangali Moze Josoea, me lõ tola iroegi danõ Moze.

1I. Ba me tasaw̃a Mbazana, ba ifaondragõ ita Ogi andrõ, razo Mbazana, awõ zabõlõ andrõ chõnia fefoe, mõi fasõndra chõda ba zinga Gederai andrõ. (Moz. IV. 21, 33). 2Ba imane chõgoe Jehowa: Bõi ataʼoefi ia! Oebeʼe sa ba dangaoe ia, fabaja banoeania fefoe ba tanõnia, ba hana na õlaoe chõnia nilaoemõ chõ Zihona andrõ, razo Ndraono Gamori, ba Hesibona. 3Ba ibeʼe ba dangada gõi Ogi andrõ, razo Mbazana, Lowalangida, Jehowa, fabaja sabõlõ andrõ chõnia, fefoe, ba tobali taʼalani sibai ia, irege samõsa lõ si tosai chõnia, soloi menaʼõ. 4Ba me loeo daʼõ, ba atoeʼa ita ba mbanoeania fefoe; samboea lõʼõ saʼae banoea saró, si lõ tahalõ chõda: õnõ ngafoeloe mbanoea, tanõ Garigobi andrõ maʼasagõrõ, amatõrõw̃a Ogi andrõ ba Mbazana, fefoe, — 5oi banoea saró: õli, ba no alaw̃a ba lagõ mbawa gõli, ba nilazi, — ba baero õ, ba oja na mbanoea ba danõ, si lõ moeʼaroʼõ. 6Ba talachaʼõ, si mane mege, chõ Zihona andrõ, razo ba Hesibona, dozi banoea, ba tahori, he ira matoea ba he ira alawe, fabaja iraono; 7ba oerifõ fefoe ba hadia niraboeda ba mbanoea andrõ ba tahalõ chõda ahoeloeada. 8Ba taʼochõgõ danõ andrõ, me loeo daʼõ, tanõ razo Ndraono Gamori andrõ, si daroea, jefo Joridano, iʼõtarai Garono, iroegi hili Heremono, 9— tõi hili Heremono andrõ ba mbanoea Zidona, ba Siriono, ba tõinia ba Ndraono Gamori, ba Seniri, — 10banoea ba ndraso andrõ fefoe, sagõrõ tanõ Gileadi ba Bazana fefoe, iroegi Zalicha ba Ederai, banoea ba gamatõrõw̃a Ogi andrõ, ba Mbazana. 11Ogi andrõ, razo Mbazana, ba angohorita zi tosai Dawa Refaʼi andrõ; faratenia siʼõli, ba so na maʼõchṍ ba Rabáta Ndraono Gamoni; siw̃a hela waʼanaoe ba õfa hela waʼebolo, hela nisiʼoegõ.

12II. Tanõ daʼõ taʼochõgõ, me loeo daʼõ, Iʼotarai Garoëri andrõ, ba mbewe Garono oebeʼe ba mado Gado, awõ zi matonga hili Gileadi andrõ, fabaja banoea ba daʼõ. (Moz. IV. 32, 33). 13Ba ba zi matonga mado Manase, ba oebeʼe zi tosai tanõ Gileadi ba tanõ Mbazana maʼafefoe, amatõrõw̃a Ogi andrõ, tanõ Garigobi andrõ fefoe; ba tanõ Mbazana andrõ, maʼasagõrõ, ba jaʼia nifotõi tanõ Ndrawa Refaʼi. 14Ba Jaʼiro andrõ, maʼoewoe Manase, ba no ibeʼe barõ nibawania danõ Garigobi andrõ maʼafefoe, iroegi nola Ndrawa Gesoeri ba ola Ndrawa Maʼachati, ba no ibeʼe tõi danõ Mbazana andrõ mbanoea Jaʼiro, — iʼohiaʼõ dõinia — iroegi maʼõchṍ andre. (Moz. IV. 32, 41). 15Ba chõ Machiro oebeʼe Gileadi. 16Ba ba mado Roebeno ba ba mado Gado, ba iʼotarai Gileadi, noemalõ ba mbewe Garono, iroegi daloe ndraso andrõ ba nola, iroegi Jakobo, ola Ndraono Gamoni. 17Ba tanõ saloʼo andrõ, ola Joridano, iʼotarai mbaw̃a Kinereti, iroegi ziloeaʼasi ba zaloʼo tanõ andrõ, siloeaʼasi nasio, ba gahe hili Wisiga; tánõ ba gatoemboecha loeo. 18Ba no oebeʼe li chõmi, me loeo daʼõ, no oemane: No ibeʼe ochõtami danõ andre Lowalangimi, Jehowa, ba jaʼami, ba miʼaroʼõ ami, dozi ami, solohe baloese, ba miʼiagõ fõna dalifoesõmi Iraono Gizeraëli, — 19ha foʼomomi ba iraonomi ba oerifõmi (oeʼila wa no oja goerifõmi) zahono ba mbanoea andrõ, nitehegoe chõmi, 20— irege ahono dalifoesõmi, si mane jaʼami, ibeʼe Jehowa, ba irege no laʼochõgõ danõ andrõ, nibeʼe Lowalangimi, Jehowa, chõra, jefo Joridano. Ba awena dania mangawoeli ami, isaw̃a dána chõnia zamõsana, tanõ nitehegoe chõmi.

21III. Ba oebeʼe li chõ Josoea, me loeo daʼõ, oemane: No anehe ndraʼoegõ fefoe hadia ia nifatõrõ Lowalangimi, Jehowa, ba razo andrõ si daroea, no hõrõoe zangila; si manõ dania ilaoe Jehowa ba zalaw̃a andrõ fefoe, si jefo, ba zi mõi ndraʼoegõ dania. 22Alacha lõ õʼataʼoefi ira; Lowalangimi, Jehowa, saʼae zi fasõndra salahimi. 23Ba mangandrõ gõi ndraʼo chõ Jehowa, me loeo daʼõ, oeʼandrõ waʼahachõ dõdõ, oemane: 24He Soʼaja, Jehowa, noa saʼae õʼoromaʼõ chõ genonioe andre waʼasalaw̃amõ ba faʼabeʼe dangaoe; heza so Lowalangi bõʼõ, he ba zoroego, ba he ba goeli danõ, sangila molaoe si manõ, nifolaoe zabõlõ, si mane jaʼoegõ andrõ? (Sin. 89, 7). 25Faʼamõido mijefo, enaʼõ iʼila hõrõgoe danõ si sõchi andrõ, jefo Joridano hili si sõchi andrõ ba hili Libano! 26Ba mofõnoe chõgoe Jehowa, bõrõ ba chõmi, ba lõ iʼoʼõ chõgoe; imane sa chõgoe Jehowa: Noa manõ daʼõ! Bõi saʼae hedehede chõgoe ba daʼõ! (Moz. IV. 20, 12). 27Ae mijaw̃a ba zoezoe hili Wisiga ba fachõlõʼõ misa ba gaechoela loeo ba mijõoe ba miraja ba ba gatoemboecha loeo, enaʼõ iʼila hõrõoe; Joridano andrõ, ba lõʼõ sa õʼõtõ. (Moz. IV. 27, 12). 28Ba chõ Josoea, ba õbeʼe li, farooe dõdõnia ba abeʼeʼõ; jaʼia sa zolohe mijefo jaʼira andre, ba jaʼia zamaosa chõra tanõ andrõ, niʼïla hõrõoe. 29Ba taʼiagõ ndraso andrõ, ba gamaoedoe Mbeti-Weoro.