Soera Josoea Faza 12

I. Tõi razo andrõ nihori, jefo Joridano. II. Tõi razo ba zi ndroehoe tanõ Ganaʼana.

1I. Ba daʼe dõi razo ba danõ, nisoewõ Ndraono Gizeraëli ba nihalõra tanõ, jefo Joridano, tánõ ba gatoemboecha loeo, iʼotarai mboto Garono, iroegi hili Heremono ba he saloʼo tanõ fefoe, tánõ ba gatoemboecha loeo: 2Sihona, razo Ndraono Gamori, banoea Hesibona, si so barõ mbawa tanõ andrõ, iʼotarai Naroëri andrõ ba mbewe Garono ba taloe ndraso andrõ ba si matonga Gileadi, iroegi mboto Jaboko, ola Ndraono Gamori, (Moz. IV. 21, 24), 3ba saloʼo andrõ, iroegi mbaw̃a Kineroti, tánõ ba gatoemboecha, ba iroegi ziloeaʼasi ba zaloʼo, siloeaʼasi nasio, tánõ ba gatoemboecha, tánõ ba Mbeti Jesimoti ba tánõ raja, ba gahe hili Wisiga. 4Ba tanõ Ogi andrõ, razo Mbazana, si tosai seboea niha andrõ, banoea Gasaroti ba Ederai (Moz. V. 3, 11), 5si so barõ mbawa hili Heremono ba Selecha ba tanõ Mbazana maʼafefoe, irege nola Ndrawa Gesoeri ba ola Ndrawa Maʼachati ba si matonga Gileadi, iroegi nola chõ Zihona andrõ, razo Hesibona. Moze andrõ, enoni Lowalangi, awõ Ndraono Gizeraëli zolaw̃a jaʼira, 6ba Moze andrõ, enoni Lowalangi, zameʼe tanõ andrõ tána ba mado Roebeno ba ba mado Gado ba ba zi matonga mado Manase. (Moz. V. 3, 12).

7II. Ba daʼe dõi razo nilaw̃a Josoea ba Iraono Gizeraëli ba danõ ba zi tambai Joridano, tánõ ba gaechoela loeo, iʼotarai Mbaʼali Gado ba ndraso, ba gahe hili Libano, iroegi hili andrõ si lõ eoeeoe, soʼanõsõla ba Zeʼira, nibeʼe Josoea tána ba mado Ndraono Gizeraëli, dali wabaliw̃ara, 8ba hili ba ba ndraso ba ba saloʼo ba ba zanaere ba ba danõ si mate ba tánõ raja: Dawa Cheti ba Iraono Gamori ba Dawa Ganaʼana ba Dawa Weresi ba Dawa Hewi ba Dawa Jeboesi: 9Samõsa razo Jericho ba samõsa razo Gaʼi, ba ngai Mbetiëli. 10Ba samõsa razo Jeroezalema ba samõsa razo Heberona. 11Ba samõsa razo Jaramoeti ba samõsa razo Lachisi. 12Ba samõsa razo Negelona ba samõsa razo Gezeri. 13Ba samõsa razo Debira ba samõsa razo Gederi. 14Ba samõsa razo Horama ba samõsa razo Garadi. 15Ba samõsa razo Libena ba samõsa razo Gadoela. 16Ba samõsa razo Makeda ba samõsa razo Mbetiëli. 17Ba samõsa razo Dafoea ba samõsa razo Heferi. 18Ba samõsa razo Gafeka ba samõsa razo Lasaro. 19Ba samõsa razo Madona ba samõsa razo Hasora. 20Ba samõsa razo Zimerono Merono ba samõsa razo Nachizafi. 21Ba samõsa razo Daʼanachi ba samõsa razo Megido. 22Ba samõsa razo Gedesi ba samõsa razo Jokenea, ba gahe hili Garemeli. 23Ba samõsa razo Dora, banoea Nafoti Dora, ba samõsa razo niha baero andrõ, ba Giligala. 24Ba samõza razo Diresa. Tõloe ngafoeloe a sara razo fefoe.